© by Christiana Zöchling
Gaunz frira hot mei Oma imma für die vüln Leit am Hof des Brot bocha. In an rießign Bochofn. Üwa des, wia sie des gmocht hot, hob i scho amoi gschriebm. I hob dabei owa wos Wesentliches vagessn. Jeds Moi hot sie a weng an Toag wegglegt und vo dem san daun Braundfleckn fia uns Kinda gmocht woan. Des woa fia uns a Festtog.
Sie hot a Stickl Toag owa gschnittn, ausgwoichn undd daun am Kuchlofn direkt auf de Headplottn glegt. Fia a poa Minutn mit etla Moi umdrahn. Fertig woa de Köstlichkeit. Mit an Löffe a Schmoiz drauf vateut und gsoizn. Ma woa des guat. Do haum mia uns augstöt, weu hia und do is si a zweita Fleck a nu ausgaungan.
Liebe Christiana,
bei uns dahoam hom mia koa Schmoiz auf d’Braundfleckn aufgstricha. Mia hom des Buttapackerl aus da Molkerei gnuma, das Papierl aufgmocht auf oana Seitn und mi da schmoin Seitn über den Braundfleckn drüwa gfoahn. Dabei is a wengl a Butta g’schmoizn und hod si auf den Braundfleckn glegt. Gsoizn und wie a Palatschinkn eingrollt homs mia des gessn.