© by Herta Koroschetz

Da kloane Toni frogt den Opapa,
weil er wiss´n wü, wia oet er wa:
„Sog Opa, vor wiavü Joahr´n
bist du eigentlich gebor´n?“
Darauf da Opa zu eam sogt:
Domoes hot nu neamt an Fernseher g´hobt.
Es hot a nu koa Handy geb´n
und ohne Woschmaschin woa unser Leb´n.
Koa hoas Wossa is aus da Leitung grunna,
und in de Schul, san ma zu Fuaß nur kumma.
Do hot`s net geb`n a DVD und a koa Video,
üba a Schollplott`n worn mia scho froh.
Jeden Sunntog san mia in de Kirch`n gaunga`n.
Erdäpfe und Milch haum mia kauft beim Baua.
De Leut haum sich nu olle kennt,
miteinander red´n, des woa a jeder g´wehnt.
Koana is do vor´m Computer g´sessn
und hot stundenlaung nur E-Mail g´lesn.
Zigarett`n host rauchen kinna überoe,
des probier du heit amoe.
Und jetzt mei Bua, frog i di:
Wos glaubst du, wia oet i bi?
Es is fost net zum foss´n hoet –
i bin nu koane 70 Joahre oet!“