S´Katzerl

S´Katzerl is im Goart´n
und tuat auf a Mauserl woart`n,

weil des is a guate Speis
und do tuat sie mia nix damit z´fleiss.

Weil de Meis, de kaunns ruawi haum,
nur de Vogerl muaß lossn am Baum.

Waunns siacht, dass i ohne Hund fortgeh,
do is sie a glei wieda in da Heh,

weil sie geht mit mir so gern auf d´Roas,
i hob´s a gern dabei, i moa, des woass.

Sie stroaft um meine Fiass umadum,
des hoasst „ Geh, streichlt mi a wengl rundumadum!“

Des muass i daunn natierli glei tuan,
und heas daunn glei daunkboar schnurrn.

In da Friah und auf d´Nocht woart´s oiwei scho auf mi,
weil des woass gaunz genau, do stö i ihr Fuatta hi.

Do schnurrt´s daunn wieda volla Freid,
jo mit mein Katzerl vabring i hoit a schene Zeit.