© by Elisabeth Halbmayr
Des Kind
Des Kind, des hupft in a Locka.
Des Kind, wü Mathe ned bocka.
Des Kind, des mocht nur wos’s wü.
Des Kind, des is oafoch ned stü.
Des Kind kau rena wia da Deifi.
Des Kind is so frech zan Vazweifin.
Des Kind zaht so vü Dreg ins Haus.
Des Kind kau schrein, es is a Graus.
Des Kind is vü z wüd.
Des Kind huckt oafoch nia stü.
Des Kind, des kau ned frong.
Des Kind is ned erzong.
Des Kind hod koa Geduid.
Des Kind is aun ois schuid.
Des Kind dramd va da großn Wöd.
Des Kind braucht scho wieda a Göd.
Des Kind hod nua Flausn im Schädl.
Des Kind duad nua locha und bledln.
Jo spinnt
denn des Kind?