© by Ingrid Hoffmann
Frühlingserinnerung
Wann ma jung is und klane Kinder hat muaß ma des Geld einteiln. Anschaffungen werdn dann oft verschobn. Des Tapezieren wird vom Sommer aufn Herbst verlegt, vom Herbst aufn Winter, und vom Winter aufn Frühling.
Im Frühling, wann alles bliat, da wachst a schon der Spinat. Als der Bua no klan war, hab i an Spinat gmacht. I hab ma denkt, er ißt eam gern. Aber da Bua hat eam nur wie a Hamster in seine Backn gsteckt. Als dann die Backn voll warn, hat alles wieder auße miaßn. Er ist hergangan und hat den Kopf gschüttelt und dabei fest blasen. …
Was soll i sagn. Den Buam hab i umzogn, i hab a was Anders anziagn miaßn, des Tischtuach hab i gwaschen und den Fuaßbodn aufwaschen miaßen.
Am Abend, als dann mei Mann ham gkummen is, hat er mi wie jeden Tag gfragt, was Neichs gibt daham. Na, da hab i gsagt: „Heuer ersparst da des Tapezieren.“