© by Margit Lashofer

Oma werdn

 Ma stöht sich des so vor,
ma steht vor an groß´n Tor.

 Des geht hiazt auf,
und los geht a neicha Lebenslauf.

 „Du wirst Oma“, haums ma g´sogt,
und i hob net laung nochig´frogt.

 I g´frei mi oafoch so,
und bi daunkboar und froh.

 Ma mocht sich in da Phantasie oft a Büld,
wia ma sich ois Oma daunn fühlt.

 Owa des kaunn ma wirkli vorher goar net leicht darrotn,
wia sich des aunfühlt, des wü i eich varrotn.

 Hiazt is nämlich wirklich so weit,
unsa Jakob is fia de Wölt bereit.

 Er is unsa große Freid und gaunza Stoiz,
i vagiaß Freiden-Tränen, wos sois.

 Des G´fühl es is wirkli net leicht zan Dazöhn,
ma kaunns net beschreibn, tuat mas a wöhn.

Worterklärungen:

Stöht = stellt

Büld=Bild

Darrotn=erraten

Wü=will

Varrotn=verraten

Wölt=Welt

Vagiaß=vergieße

Zan Dazöhn= zum Erzählen

Wöhn=wollen