© by Elisabeth Halbmayr
Wieda a Kind
Maunchmoi wa i gern wieda a Kind,
so mit Gedaunkn gaunz frei wia da Wind,
und in Watte eipockt so sche lind.
In gaunzn tog trama,
auffigräun auf Bama,
mei Sendung nia vasama.
Locha und laud sei, bitzln und benzn,
und des ois ohne Konsequenzn.
Und in de Ferien faulenzn.
Midn Fuaß stampfm,
kiloweis Noschzeig mampfm,
in Mong damid zuabampfm,
und davo ned dick wern
und Märchenkassettn auhern
und glaum das Märchen wohr wern.
Den Tog zan Spün nutzn,
ned de Wohnung putzn,
und an jedn duzn.
Koane Rechnunga zoin,
ned vanünftig sei soin,
nur Büda moin
Koane Pflichtn,
nix zan varrichtn,
nur Fantasiegschichtn.