Des Geburtstogs-Blumenstöckl

I hob am Donnerstog an Einkaufstog mit da Tamara g´mocht,

und mia haum dabei wirkli vü dalebt und g´locht!

Fost hätt ma ka Auto g´hobt,

owa schlußendli hot´s daunn do kloppt!

San Frühstückn z´erst g´foahrn,

und es is glei recht g´miatli woarn!

Daunn hauma a poar Sochan nu kafft,

de ma hoit so in Aktion zaumrafft!

I bi daunn an Blumenstock fia mei Schwägerin suacha gaunga,
und d´Tamara hot in an aundan G´schäft zan Suacha aug´faunga!

Hob wirkli an schen Fuchsl-Stock dawischt,

und bi glei damit zu da Tamara ihrn Auto zischt!

Hob eam durt ba da Autotür hing´stöht,

und bi um an Schlissl ins G´schäft, weil mir der jo föht!

Hob ma nu kurz denkt, do wird jo dawei nix passiern,

der Blumenstock wird jo do neamt intaressiern!

Schau ba da Auslog durchi und wia glei gaunz nervös,

moch a glei recht a Getös!

Renn aussi ba da Türso schnö i kaunn,
do geht do glott a Frau mit mein Blumenstock davau!

Reiß ihr den Blumenstock aus da Haund,

und sog: „Bist net ba Vastaund?“

Der is do im Grobn drin g´legn,“

Sogt sie drauf glei valegn!

Des hot mi nimma interessiert,
hob´s z´ruck lossn, gaunz vawirrt!

Mit dem Blumenstöckl in da Haund,

bi i z´ruck zum Auto, hob´s gebn nimma aus da Haund!

Mei Freindin und d´ Vakäuferinnen woar nur mehr baff,
haum g´schaut, wos i ois schaff!

De kurzn Fiaß, de kinnan owa schnö renna,
des haum s fost net glauben kenna!

Auf de Aussoge hob i so vü g´locht,

und ma denkt, dass ma so wos net mit ana trainierten Beirin mocht!

Do güt hiazt net des oide Sprichwort:

G´scheida wos dawoat, ois wia darennt…

Imma kaunn des net stimma,

weil sunst hätt i mei Blumenstöckl nimma!