© by Elisabeth Halbmayr
Fir meine Katzal
I brauch mein Glick nimma nochi rena,
nima suacha, mi nima varrena.
Wei i hob mei Glick gfundn mit eich,
und jedn Tog merk i des aufs Neich.
Eich drei kau i ois dazön,
wos sunst a koana wissn wird wön.
Es heats ma öwei zua,
und mit eich kim i za Ruah
noch an stressign Tog,
wo i nix mea doa mog.
Und a jeds Moi, waun i rea
kemts es za mir hea
und schnurrlts in an fuat,
und daun gehts ma wieda guad.
Ob und zua mochts lustige Faxn
oda rennts ma unta de Haxn
und jo, austön dads ma gnua,
owa des ghead hoid dazua.
Meine besonderen Schatzal –
meine drei siaßn Katzal.
I hob eich lieb auf ewig und öwei,
ohne eich kau i nimma sei.