© by Margit Lashofer

Himmi-Muatta

Himmi-Muatta, do im Himmi obn,
i muass di wirkli imma recht lobn!

Zu dir kaumma imma kemma,
du tuast unsare Sorgen ernst nehma!

I kimm recht oft zu dir mit ana Bitt,
du nimmst das oiwei glei zum Herrgott mit!

Du bist imma fia meine Sorgn do,
du wendst di net vo mir o!

Bist a Trösterin fia mi,
drum vaehr i jo di!

Drum foahr i a gern zu dir noch Mariazell hin,
weil du gehst ma scho vo Kindheit aun net aus ´n Sinn!

Weil scho da Papa is oiwei zu dir kumma,
und du host seine Sorgn olle mitg´numma!

De Liada und Gebete fia di san so vü trostreich und schen,
dein Lobgesang i oft sing oda deitli im Gebet bekenn!

Himmi-Muatta daunkschen dafia,
und bitte hilf net nur mia!