© by Elisabeth Halbmayr
Mog sei
Mog sei, i hob a bazwoachs Hirn.
Mog sei, i griag a rode Birn.
Mog sei, i red an Bledsin zaum.
Mog sei, das i ned denga kaun.
Mog sei, i ren wia bled in Kroas.
Mog sei, mir is zgleich koid und hoas.
Mog sei, das i ins Noankastl schau.
Mog sei, i bi scho wieda blau.
Mog sei, das i heid Nocht nix schlof,
Mog sei, i zöh zwoanzgdausnd Schof.
Mog sei, i kau goa nimma essn.
Mog sei, i kau di ned vagessn.
Mog sei, i bi in di vanoad.
Mog sei. Du wiastas nie erfoan.