© by Elisabeth Halbmayr

Wia sog i’s eam – endlich?

 Du loamsiadada Schnötschecka,
du blitzgneißada Voibecka,
Trottl, vareckada,
Dickschädl, eckada!
Laungschauada Fetznschädl,
meingod, wos bistn du fia Wedl!

Du Bluzabirn!
Du Suppmhirn!
Du damischa Lauch,
stehst voi aufm Schlauch!
Hopf und Moiz valoan.
Bist so deppad geboan?

I kunnt da oane mid da Dochlottn schmian,
owa du wuatstas nu öwei ned kapian.
Sog i hiazt wos za dir, Mau,
kimd in zehn Joa des erscht au!
I bi da vafoin mid Haut und Hoa!
Is da des hiaz nu öwei ned kloa?