© by Gernot Apo Stadler

MOTHER TONGUE
MUATA SPROCH

 Sara Lanner ziacht ihre Tscherfl aus.
Degane Gitschn mit grudlate Hoa
und an Pleamle drin.

 Hot a klans Tellale mit an Pulva.
Spuckt long drauf,
selba gmochte Tintn.

 Taucht de Zungan ein,
wolg uma am Bodn
wia a Tenzarin.

 Molt in groase Bukstobn
MOTHERTONGUE
aufs Popia.

 Amol von links noch rechts,
noachant von rechts noch links.
Englisch is nit mei Muata Sproch.

 Is nix mea auf da Zungan,
schleicht se wia a Rothaut
zan Tellalen um Nochschub.

 Schreib und schreib
im Lign, im Stean,
gagst amol mit brata Zungan ane Stempl.

 MOTHERTONGUETONGUEMOTHERM
OTHEREUGNOTREHTOMTONGUE
A bsundas Bültl hot se gmolt.

De Leit sant begeistat,
klatschnt wia de Bledn,
degane Sara Lanner weant se si mirkhn.