© by Margit Lashofer
Scho ois Kind hob i oiwei ghobt an Hund,
und hob vabrocht mit eam vü schene Stund.
So haum mia a do in da Baumühl oan ghoit,
damit a uns do a vü Freid bringa soit.
Hiazt hauma scho den drittn Hund,
und i woaß nu genau de Stund,
wia ma den ghoit haum va Robnstoa,
und ausgsuacht haum va dera Welpenschoa.
A guate Freindin hot ma varrotn den Plotz,
und va do au woa er daunn unsa großa Schotz.
Es is a gaunz a schwoaza wuan,
er hot net amoi oa weiß Fleckal voan.
Maunche sogn, er is schwiaza wia da Schüssl,
dabei kimmt er goar net va Brüssl!
A glottes Föll hot er, des is goa net dumm,
do zaht er net so vü Dreck herum.
Mia haum eam den Naumen „Jacky“ gebn,
und vabringan mit eam a recht schens Leben.
Hiazt is er scho sechs Johr ba uns,
und i glaub, es geht eam recht guat ba uns.
A unsare Freind mog er recht gern,
und begrüßt se scho aus da Fern.
Er hot hoit so vü a Freid,
waunn er siacht de geliebtn Leit.
A mia gengan eam glei so vü o,
samma amoi net do.
Va oim i vabring mit eam a schene Zeit,
weil ba mir is a jo de meiste Zeit.
I tua eam fuattan und a vü köwin mit eam,
und geh a vü aussi und spaziern mit eam.
Er hot so vü a Freid,
waunn a mitgeh derf mit seine Leit.
Da Jacky liegt sunst gern voam Haus,
und passt guat auf, auf Hof und Haus.
Ois in oin is er a brava Hund,
und rundherum fit und gsund.
I hoff, es bleibt nu laung a so,
und da Jacky vabringt nu vü Zeit ba uns do!
(Aus dem Buch „Aus dem Leben, für das Leben“)
Margit, wer selber Haustiere hat, der wird sich mit deinem Gedicht identifizieren. Danke fürs Kennenlernen vom Jacky.