© by Veronika Kiemayer

 

In da Fruah steig i aus mein Bett,
da neiche Tog, der gfreit mi net!
Waunn i beim Fensta aussischau,
do draußt is olles grau in grau.

Laungsaum schiaf i ins Gwandl rei,
d´Kaffemaschin schoit i schnö ei,
streich´s Honigbrot mit Butta drunta
und hoff, hiazt werd i endli munta.

Oba, da Kaffe, der hüft ma net,
z´Mittog bin i nu genauso bled.
Najo, denk i, des is jo heiter,
heut bring i übahaupt nix weiter!

Es wird woahrscheinli des Beste sei
i schoit ma oafoch den Fernseher ei.
In da Werbung, wos mi bsundas gfreit,
sogns, dass da Red Bull Flügl verleiht.

Des kost mi hiazt an lautn Locha,
wos soi denn i mit Flügln mocha?
Trotzdem renn i jetzt gaunz gschwind
ins nächste Gschäft um an Energie Drink.