© by Katharina Tröstl

GOA  A  BISSAL  BLIND?

 Mama, woaßt du wo mei Handy is? Oda meine Schuah?
I find mei Lodekabel net, scho seit gestan fruah.

Mama, kaunst mi bitte fiahn? Und daun wieda hoin?
Und gestan hättst mi doch aun wos erinnern soin.

Mama, host mei Hosn gwoschn? Und wos kochst zmittog?
Mochst ma nu an Tee daun, es is jo nua a Frog.

Mama, mogst ma höfn? Mochstas glei allan?
Des T-Shirt gheat nu gwoschn und Chips san koa daham.

So wird hoid unermüdlich gfordert Soch fia Soch –
net bös gmoant is und d‘Mama denkt goa net drüwa noch.

´s is fia beide söbstvaständlich, fia sie und a fias Kind –
vielleicht mocht Mama-Liebe goa a bissal blind?