© by Elisabeth Halbmayr

Kotznmama

 Kotznmama haums za ihr gsogt.
Wiaso griagst koa Kind, haumsis gfrogt.
Wiaso suachst da koan Mau?
Kotznmama, loch da oan au.
Kotznmama, es rennt de Zeid,
haumds ihr gsogt, de aundan Leid.

 Sie hod ned vastaundn, wos des soit,
weu sie koan Mau und koa Kind goa ned woit!
Sie woa gaunz glickli, so wias woa,
ois Kotznmama, des Gwaund vola Hoa.
Es hod fia sie nix Schenas gem,
ois mid ihre Kotzn zan lem.
De Kotzn, eana fümfe wos’s woan,
san wia Kinda fia sie woan.