© by Veronika Kiemayer

Muatta

Muatta, i schau dir ins Gsicht,
du schenkst so vü Zuaversicht.
A große Liab liegt in deinen Augn,
und i gspiar a tiafs Vertraun.

Dei Mund, er lächelt so zort,
auf oamoi fliagn olle Sorgn fort.
Mir is, ois tatst du leise sogn:
„Kindal, brauchst jo net verzogn.

I beschütz di in Not und Gfoahr,
trog di sicha üba jedn Stoa,
in da dunklen, finstan Nocht
geb i behutsaum auf di Ocht.

Gib ma oafoch deine Händ,
i fiahr di zu an guatn End.
Vertrau ma, waunn i versprich:
Kindal, i loss di niamois in Stich!“