© by Elisabeth Halbmayr

Da Bam

Bei uns im Dorf hinterm Stodl ums Eck
steht a oida Bam, den ma glei entdeckt.
Der Bam steht do scho üba dreihundat Joa,
und hot ois gsegn, wos bisher do wor.

Zwoa Buagstabm san in da Rindn zan Lesn,
das jeda siacht, mia san do gwesn.
Das jeda siacht, wie gern mia uns ham,
host du des Herz gschnitzt in den Bam.

Der Bam, der kennt uns zwoa gaunz guat,
mia worn jo friara ständig duat.
Fost jedn Obmd waun Zeit gwen is,
worma durt, a wauns weit gwen is.

Du host den Weg gern auf di gnumma,
aus da Stodt zu mir zu kumma.
Du host gsogt, mia zwoa fir imma,
oba hiaztad kummst du nimma.

I bin jedn Obnd dort,
wo i vazweifit auf di wort.
Beim Bam mitn Herz in da Rindn
wirst du mi fia imma findn.