© by Ernestine Gira

Da Lüftlmola

 Da Mittameia Lois hod a Talent,
des wos im Doaf a jeda kennt.
Ea is ois Lüftlmola weit bekaunnt,
wia a Laus im Jagagwaund.

 Auf a Garasch hoda a Auto gmoit
und aum Kiachatuam a Fraungstoiht,
de wos gaunz pudlnockat woa,
sowia an Glotzatn ban Frisäa sogoa.

 Obst und Gmias aun da Greisslawaund,
des wos dafäud is, schau an Raund
und rund um d’Spoakassfensta,
moit da Loisl lauta Zinsn-Gspensta.

 Aum Doktahaus, do praungt da Tod
und auf da Gmoa va dera Stodt,
do sitzt im Woppmschüd da Pleitegeia
und sacklt aus, in Buagamoasta Meia.

 Ban Wiatn mid de Fremdnzimma,
do woas numoi um etlas schlimma,
wäu da Loisl in sein muadstrum Suff,
hod mid rosa Heazal gschriem: Puff, puff, puff!“