© by Elisabeth Halbmayr
Herzsplitter
Damit mei Herz ned nuamoi splittert,
bau i davor a hoches Gitter,
und a Mauer rundherum,
das jo koana mehr einikumt.
Vor de Mau’ stö i an Wochta,der steht beim Tog und in da Nocht a.
Du kaunst di oiso wieda schleichn,
i hob gnua vo deinesgleichn.
Gibst du imma nu ned auf,
kriagst vom Wochta ane drauf.
Des ane kau i da sogn,
du wirst sowos vo vajogn!
Fir di hob i kann Plotz, kan Raum,
du haust ma s Herz ka zweits moi zaum!
Fette Norbn auf mein Herzn
wern mi imma wieda schmerzn.
Du und du ala bist schuid,
dasi Gefühle nimma duid!
Mit soiche Traktorspurn am Herzn
gibts fir mi kan Grund zum Scherzn!
Mit Karacho hostas ruiniert,
jetzt glaubst du kaunstas repariern!
Los mi aloa, i moans wia is sog,
weu I ned nu an Herzbruch ertrog!
Oamoi wor scho mehr wie gnua,
jetzt drah di Wastl, i wü mei Rua!