© by Ernestine Gira

Des Packl

 A rechta Schöm, des is da Fritz,
ea leist ban Koal si an Witz.
An unfraunkiatn Briaf loßta ins Kastl foin
und da Koal deaf de Mackn zoihn.

In den Briaf dem Koal ea so schreibt:
„Mia gehts guat, i hoff dass a so bleibt!“
Da Koal findts ned lusti, is koa Witz
und schickt dafia a Kistn aunan Fritz.

Mid den Packl duada den Fritzi iwalistn
und legt an schwaan Stoa in d’Kistn.
De Akziaun van Fritz de woa echt mies,
drum zoihda a des Packlgöd, sovü is gwis.

An Fuffzga legt da Koal ban Postla oh
und zahts schwitzat hoam in sei Büaro.
Mid oan Karacho mochta de Kistn auf,
aum Stoa a Zeddl pickt und do steht drauf:
„Dea Stoa is ma owigfoin – wia i hob gheat,
daß da eh recht guat geht und di nix steat!“