© by Elisabeth Halbmayr
Mei stoahiats Herz
Er is ned wichtig,
sogt mei stoahiats Herz.
Es is ned richtig,
sogt mei stoahiats Herz.
Er is’s ned wert,
sogt mei stoahiats Herz.
das ma wegn eam reat,
sogt mei stoahiats Herz.
Den Kerl kaust vagessn,
sogt mei stoahiats Herz.
Geh liaba wos essn,
sogt mei stoahiats Herz.
Er is a Wedl,
sogt mei stoahiats Herz.
Schlog da’n ausn Schädl,
sogt mei stoahiats Herz.
Er duad da ned guad,
sogt mei stoahiats Herz.
Weua nua bled duad,
sogt mei stoahiats Herz.
Er spüd a deppads Spü,
sogt mei stoahiats Herz.
Er woas ned, wosa wü,
sogt mei stoahiats Herz.
Damid nix mea passiad,
sogt mei stoahiats Herz.
Bleib i hiaz stoahiat,
sogt mei stoahiats Herz.
Sehr schön geschrieben und so aus dem Leben gegriffen. Das ist auch meine Erfahrung. Danke!
LG Christiana
Das Herz ist hart, immer? Ich wünsche dir, dass du irgendwann auch einen hast, der dein Herz erweicht. Sehr schön geschrieben, ich mag dein mostviertlerisch.
LG Michi