Stoahiata Schädl, bazwoachs Herz
I hob an stoahiatn Schädl,
a bazwoachs Herz wia a Knedl.
Da Schädl griagt öwei, wosa wü,
s‘ Herz bleibt owa liawa stü.
Da Schädl kimt durch zuagmochte Dian.
S‘ Herz gibt noch und kau nur valian.
I kau midn Schädl durchd Waund,
owa s‘ Herz is öwei aum Saund.
Dem Schädl ghead de hoiwe Wöd,
a guada Job, a Haufa Göd.
Des Herz hod nur noch dir an Duascht,
warads stoahiat, daun wa ma des wuascht.