© by Katharina Tröstl
Ziaglstoa
Im Bauch gspia i’s,
es is so schwa,
i glaub, es is a Ziaglsta.
Außa damit!
Weg wü i eam haum –
diesmoi bring i’s fost net zaum.
Ignorier eam,
denk, der is net do.
Und daweil braucht er mi so.
Hinschaun soid i,
gsehn wü er wer’n.
A waun i woaß, i werd daun rean.
Tränen der Aungst,
Vazweiflung und Wut –
schlussendlich trau i mi, hob den Mut.
Und daun?
Is er weg, der Ziaglstoa.
Beim nächstn Moi werd i’s Hinschaun friahra doa.