© by Eveline Buca

Hundezone

Nach einer wahren Begebenheit

 

…Jo,  bitte ? Jo, des is a Chow-Chow, a klana – na jo, i hob sie  kriagt, do woa sie drei Joa. Aus ´n Tierschutzhaus hob i s` darett. Oba, sie is a gaunz a Liabe. Bitte, i bin jo mehr da soziale Typ – hob laung fia die Vinzigemeinschaft goabeit – jo, fia die Unterstandslosen.

Oba do, do schauns amoi. Jetzt haums do untn in da Hundezone fia die Sandla a Häusl aufgstöd und an Zaun haums a aufgstöd. Und jetzt is die Hundezone no klana, wia s´ eh scho woa!  Na jo!

 No lauf a bissi – bissi laufen Scheißi, na freilich!

 Heans, do muas i Ihna  no wos dazön.

Unlängst foa i mit da Tramwei mit mein Scheißi – do kumt  so a Schwoaze mit ihan Lubumbabaungad dahea. I man i hob jo nix gegn die Ausländer – i bin jo mehr da soziale Typ – oba der Klane haut ollaweu mit sein Spüzeig auf mein Hund. Mei oams Scheißi hot an Beißkoab,  wia sa sie ghead,  und kaun sie ned wean. Und die Schwoaze? Die sogt kan Ton. I man – des gabats bei die Unsan ned!

Na jo, mia san daun eh boid ausgstign, mei Scheißi und i .

 Gö,  Scheißi, na geh her do, na so a Brave. Sehng s´, Sehng  s´, wia die foigt?

 Naa, gsogt hob i nix zu der Schwoazn – i bin jo do mehr da soziale Typ.