© by Elisabeth Halbmayr
Katzl
Stü sein Hunga, stü sein Durscht
und es is dem Katzl wurscht
ob du sche bist oda schirch
und es schnurrlt wanns di siacht.
Es is egal obst dünn bist oda waumpad
oba bitte sei ned graumpat,
duas ned haun und duas ned tren,
is’s a nu so a Krod gween.
Des Katzl hot zu dir Vertraun,
dua da des doch ned verbaun.
Tua liab kuschln mitn Katzl
und du host in sein Herz a Platzl.
Gib erm an Plotz im Herz und dahoam
und des Katzl bleibt da koam.
So a kloans Viechal gibt da so vü,
kummt imma kuschln wauns hoid wü,
es kummt di tröstn, es bringt di zum locha,
es kau lustige Faxn mocha,
es heat da zua, wurscht wost redst,
a wauns dei Sproch ned vasteht.
Mit an Katzl host an Freind firs Lem,
an kuschligan Freind wird’s woi kam gem.