© by Katharina Tröstl
Kuschln
Jetzt – jetzt glaub i, is soweit!
I hobs dawoat, i bin bereit!
So laung bin i geduidig gwen,
hobs gaunzn Tog vorbeigeh gsehn.
Aungschaut hods mi nochdenklich,
jetzt hods endlich Zeit fia mich.
Sie sitzt se zuwa, legt ihr Haund
auf mei woaches Fellgewaund.
Stroaft mit ihre Finga zort
olle unsre Sorgn fort.
Valiabt schau i sie aun und sie schaut zruck,
mei Pfoterl i auf ihrn Oberschenkl druck.
I schmiaglt mi zuwe, loss sie net aus,
bei ihr do fühl i mi zuhaus.
Sie krault ma s’Kopfal und mein Bauch,
laungsaum i in Schlof umetauch.
Gaunz leise schnurr i vor mia hin,
s’Kuschln mitn Frauchen, des hod an Sinn.