© by Katharina Tröstl
Hoamliches Ostern
Sie schleicht si hoamlich ausn Haus
und fiaht de Osternestl aus.
Maunche duan si im Bett erst reckn,
duad sie scho ihre Sochn vasteckn.
Aun olle ihre Liabn hod sie denkt
und jedn wos gaunz bsunderes gschenkt.
Stü und leise huscht sie umher –
wen zu überroschn, des daugt ihr sehr.
Wer so liab aun aundre denkt
dea gheat vom Herrgott tiaf beschenkt.
Drum woa da Sunnaufgaung von heite fruah
gaunz fia sie allanig nua.