Unser Charly

Griassdi, du liawa kloana Hund,
du bist hiazt unsa spontana Fund!

Es hot woi so schnö sein miassn,
dass mia uns zu an neichn Hund entschliassn!

Genau du, host zu unsara Familie woin,
host uns jo auf de Fotos so guat glei g´foin!

Goar noch Oberösterreich san mia g´foahrn,
weil dort bist jo du mit deine vielen Geschwistern geboarn!

Noch Hirschbach samma auffi düst,
haum net laung g´frogt, obst mitfoahrn wüst!

De launge Foahrt woar jo goar net so schlimm mit dir,
host di jo glei zuwakuschlt, zur Jasmin, zum Sepp und zu mir!

Dahoam haum scho olle auf di g´woart,
du woarst owa goar net miad noch der Foahrt!

So host du glei kenna g´lernt olle deine Leit,
de Freid ba dir und ba uns woar daunn nimma weit!

Schnö host du Vertrauen zu uns kriagt,
des Liebkosen und Streicheln hot schnö g´wiarkt!

A g´fressn host du glei brav ba uns,
host glei g´sehn, so schlecht is goar net ba uns!

B´sundas de Kinda haum di recht gern,
mitn Jakob tollst du jo umadum, vü und gern!

Ba da Elina hoassts nu recht guat schaun,
dass das net glei tuast umhaun!

Weil ihr g´foist du jo a recht guat oiwei,
steht jo imma glei ba dir hibei!

De Gegend tuama hiazt mit dir erkunden,
du host scho vü schene Platzal g´funden!

Im Stroh draußt g´foits dir a recht, des is fein,
so muasst du net oiwei ba mir in da Kuchl sein!

A vor der Tür auf dein Polster is dei Plotz,
du liegst du a gern, unsa liawa Schotz!

So haum mia di scho fest ins Herz g´schlossn,
und san olle scho firchtali in di vaschossn!

Mia hoffn, dass dir a guat ba uns g´foit,
und daunn winsch ma uns nu des oane hoit:

Bleib recht laung ba uns ois guata, treuer Freind,
und vü Freid und Liab mit dir in unsa Herz scheint!