© by Elisabeth Halbmayr
Supa-Däd
Oas, des woa scho öwei kloa,
waun dahoam wos hinich woa:
Do gibts an gaunz besondan Mau,
der ollas wieda richtn kau.
Van hinichn Spüzeig ois Kind
bis za da Wossaleitung, wos rinnt,
Van Eibaun va an Kotzndiarl
bis zan ausgrissan Kostnscharniarl.
Söbst heid, wo weida weck i wohn,
greif i oft zan Telefon,
vazweifid, wei irgndwos ned geht
und in an kurzn Randl steht
voa da Tia da Retta in da Nod,
wos si wos eifoin lossn hod.
Foid mei Wöd moi ausanaund,
bauds da Papa wieda zaum.
Wos dad i, waun i di ned häd,
Alleskönner, Super-Däd!